Золатавалютныя рэзервы выраслі за сакавік на 134 мільёны даляраў
Міжнародныя рэзервовыя актывы Рэспублікі Беларусь на 1 красавікам склалі 8 352,5 мільёна даляраў.
05.04.2024 / 10:21
Ілюстрацыйнае фота «Наша Ніва»
Месяцам раней золатавалютныя рэзервы Рэспублікі складалі 8 218,6 мільёна даляраў. За месяц ЗВР выраслі на 133,9 мільёна даляраў.
Золатавалютныя рэзервы растуць другі месяц запар. Сёлета яны скарачаліся толькі ў студзені. Тады рэзервы складалі 8 093,5 мільёна даляраў.
Прэс-служба Нацбанка на працягу апошніх гадоў не публікуе даныя аб структуры міжнародных рэзервовых актываў і не тлумачыць, чаму яны скарачаюцца або павялічваюцца.
Да канца года рэзервы павінны скласці не менш за 6 мільярдаў даляраў.