Пасля тэракту ў Падмаскоўе ў гандлёвых цэнтрах Мінска паставілі аўтаматчыкаў
Паведамленні пра сілавікоў з аўтаматамі на ўваходах у гандлёвыя цэнтры з'явіліся ў сацсетках.
24.03.2024 / 12:06
Ілюстратыўны здымак. Фота: МУС
Аўтаматчыкаў на ўваходах заўважылі ў ГЦ «Дана Мол» і «Грын».
Таксама ў сувязі з тэрактам у Падмаскоўі ў Мінскім метрапалітэне прыняты павышаныя меры бяспекі. З 21:00 22 сакавіка там узмацнілі дзяжурныя змены і рэзервовыя групы службы бяспекі, арганізавалі патруляванне і агляд электрацягнікоў.
Таксама сілавікі ўзмоцняць кантроль каля храмаў, на абʼектах транспарту падчас святкавання Вербнай нядзелі каталікамі.
— Пры неабходнасці ў месцах збору вялікай колькасці грамадзян запланавана арганізацыя прапускнога рэжыму з выкарыстаннем тэхнічных сродкаў, — паведамляе МУС.
Чытайце таксама:
Зʼявілася відэа, знятае самімі тэрарыстамі ў «Крокусе»
«Напэўна, усе развіталіся з жыццём». Сяргей Светлакоў расказаў, як выратаваўся з «Крокуса»
На будынку Нацыянальнай бібліятэкі з'явіўся расійскі сцяг
Зяленскі назваў Пуціна нікчэмнасцю, каментуючы тэракт у «Крокусе»