На расійскім Урале жанчына змыла кацяня ва ўнітаз
Жывёла загінула. Жанчыне далі мінімальны штраф.
19.03.2024 / 15:31
Ілюстрацыйнае фота
У чэрвені 2023 года 46-гадовая жанчына кінула нованароджанае кацяня ва ўнітаз. Затым яна змыла яго ў каналізацыю, жывёла загінула, піша РБК.
Сусед жанчыны па камунальнай кватэры пачуў гучнае мяўканне ў каналізацыйнай трубе і выклікаў паліцыю.
Сёння жанчыне вынеслі прысуд па ч. 1 арт. 245 КК (жорсткае абыходжанне з жывёлай у мэтах прычынення яму болю, пакут, што пацягнула яго гібель). У выніку жанчыну аштрафавалі на 7 тысяч расійскіх рублёў (76 даляраў).