У Малдове рыхтуюць рэферэндум па еўраінтэграцыі
Прэзідэнтка Малдовы Мая Санду паведаміла пра планы правесці ў кастрычніку рэферэндум адносна замацавання ў Канстытуцыі імкнення краіны да інтэграцыі ў Еўрасаюз.
18.03.2024 / 16:58
«Рэферэндум па пытанні далучэння Малдовы да ЕС гэтай восенню вызначыць нашу сучаснасць і будучыню на дзесяцігоддзі «, — сказала Санду ў панядзелак на прэс-канферэнцыі.
Яна заклікала парламент пачаць падрыхтоўку да рэферэндуму і правесці неабходныя працэдуры. З ініцыятывай абвяшчэння плебісцыту павінны выступіць не менш за траціну дэпутатаў шляхам падачы запыту ў Канстытуцыйны суд.
Чытайце таксама:
Кіраўнік разведкі Малдовы заявіў пра планы Расіі перашкодзіць яе ўступленню ў ЕС
Беспілотнік знішчыў расійскі вайсковы верталёт у Прыднястроўі