Латвія зноў увяла рэжым узмоцненай аховы на мяжы з Беларуссю
Кабінет міністраў Латвіі абвясціў аб увядзенні ўзмоцненага рэжыму аховы латвійска-беларускай мяжы. Ён будзе дзейнічаць з 13 сакавіка па 12 верасня 2024 года.
13.03.2024 / 17:22
Фота: worldatlas.com
Рэжым узмоцненай аховы ўводзіцца ў Лудзенскім, Краслаўскім і Аўгшдаўгаўскім краях, у Каўнатскай воласці Рэзекненскага краю і Даўгаўпілсе. Прычынай увядзення рэжыму стала павелічэнне колькасці спробаў незаконнага перасячэння латвійска-беларускай мяжы.
Падтрымку Дзяржаўнай памежнай ахове ў справе аховы мяжы будуць аказваць латвійская паліцыя і Нацыянальныя ўзброеныя сілы.
Паводле паведамленняў Дзяржаўнай памежнай аховы, толькі цягам 11 сакавіка было спынена 14 спробаў нелегальнага пранікнення ў Латвію з тэрыторыі Беларусі. Усяго ж за год такіх спробаў налічваецца 304. Двух чалавек латвійскія памежнікі прапусцілі з гуманітарных меркаванняў.
Рэжым узмоцненай аховы мяжы раней у Латвіі ўжо дзейнічаў, але ў лютым 2024 года быў зняты ў сувязі з тым, што колькасць спробаў нелегальнага пераходу мяжы скарацілася.
Чытайце таксама:
На латвійска-беларускай мяжы загінуў рабочы
Два афганцы падаліся на бежанства ў Еўропе, але пасля ім закарцела ў Беларусь
Каго не пускаюць у Латвію? Служба дзяржбяспекі апісала людзей, якім адмаўляюць ва ўездзе