Гульцы бразільскага клуба двойчы зацягвалі на поле футбаліста з траўмай дзеля зацяжкі часу
У матчы 11-га тура чэмпіянату штата Рыа-дэ-Жанейра сустракаліся «Флумінэнсе» і «Батафога». У канцоўцы сустрэчы пры ліку 3:2 на карысць гасцей адбыўся смешны эпізод, звязаны з зацяжкай часу.
04.03.2024 / 16:56
На 90+5 хвіліне гулец «Батафога» атрымаў пашкоджанне і апынуўся на газоне. Праз некаторы час траўмаваны футбаліст выбраўся за межы поля, каб каманды змаглі працягнуць гульню. Аднак партнёры па камандзе зацягнулі яго назад на поле, каб крыху зацягнуць час, піша Championat.com.
Пасля гэтага галкіпер «Флуміненсе» за ногі выцягнуў гульца гасцей за межы поля, каб хутчэй працягнуць гульню.
У выніку на дапамогу прыйшлі запасныя «Батафога» і вярнулі пацярпелага на поле. Адразу пасля гэтага ў эпізод умяшаўся арбітр.
Пасля аднаўлення матча футбалісты «Батафога» здолелі забіць яшчэ адзін гол і атрымалі выніковую перамогу з лікам 4:2.
Чытайце таксама:
Чыноўнік Мінспорту выпадкова раскрытыкаваў стан спраў у беларускім спорце
Ужо экс-зорку зборнай Францыі па футболе дыскваліфікавалі на чатыры гады за допінг