З'явіўся сайт, на якім можна запаліць свечку ў памяць пра Аляксея Навальнага
У інтэрнэце з'явіўся сайт у памяць пра Аляксея Навальнага. Развітанне з палітыкам праходзіць 1 сакавіка ў маскоўскім раёне Мар'іна.
01.03.2024 / 15:37
Для ўсіх, хто не можа развітацца з Навальным асабіста, і створаны гэты сайт. Там у памяць пра палітыку можна запаліць свечку — і ўбачыць, як шмат аднадумцаў, піша «Медуза».
Па стане на 15:30 на сайце «запалена» 113 463 свечкі.
У Маскве 1 сакавіка праходзіць развітанне з Аляксеем Навальным, пра смерць якога ў папраўчай калоніі № 3 пасёлка Харп у Ямала-Ненецкай аўтаномнай акрузе стала вядома 16 лютага.
За мінулыя з тых часоў два тыдні блізкім і паплечнікам палітыка прыйшлося прайсці праз многае: цела выдалі толькі праз дзевяць дзён, а маці Навальнага шантажавалі следчыя, патрабуючы правесці пахаванне таемна; аб месцы пахавання прыйшлося весці доўгія перамовы, а памяшканне для развітання доўга не ўдавалася знайсці.
Пахаваюць памерлага ў калоніі палітыка на Барысаўскіх могілках.
Чытайце таксама:
У Маскве развітваюцца з Аляксеем Навальным. Людзі скандавалі: «Навальны! Навальны!»
Чарга да храма, дзе будуць развітвацца з Навальным, дасягнула кіламетра