У Беларусі назвалі аўтамабіль 2023 года
Беларуская аўтамабільная асацыяцыя (БАА) падвяла вынікі конкурсу «Аўтамабіль года — 2023». Першае месца заняў Geely Manjaro. Office Life расказвае, якія яшчэ маркі і мадэлі атрымалі прэміі ў намінацыях «навінка года» і «дызайн года», а таксама якія апынуліся самымі папулярнымі па выніках дылерскіх продажаў.
30.01.2024 / 15:21
Фота: monjaro.geely.by
Як выбіралі «Аўтамабіль года»
Галасаванне праходзіла ў два этапы. Спачатку БАА з дапамогай чытачоў партала Onliner з 61 аўтамабіля, якія прадаваліся ў краіне ў 2023 годзе, выбралі сем фіналістаў.
У фінальны шорт-ліст трапілі:
Voyah Free;
Geely Manjaro;
Audi A6 Avant;
VW Passat;
LadaVesta;
UAZ Patriot;
Hyundai Sonata.
На другім этапе за фіналістаў галасавалі эксперты аўтамабільнага рынку — вядучыя аўтамабільныя журналісты і блогеры.
Больш за ўсё галасоў ад экспертаў атрымаў Geely Monjaro.
Якія яшчэ аўто адзначылі
У намінацыях «брэнд-навінка года» і «мадэль — навінка года» пераможцаў выбіралі эксперты — і тут адназначная перамога Voyah і яе мадэлі Free.
Пераможцу ў намінацыі «дызайн года» выбіралі народным галасаваннем. Кожны дылер мог прадставіць на конкурс не больш за адну мадэль сваёй маркі-і перамогу атрымаў красовер Audi Q8.
Таксама БАА прадставіла топ самых папулярных аўтамабіляў па выніках дылерскіх продажаў:
— самы папулярны брэнд года — Geely (за ім Lada і Haval);
— самы папулярны седан года — Geely Emgrand (за ім — Lada Granta і Lada Vesta);
— самы папулярны SUV года — Geely Coolray або Х50 (за ім — Geely Atlas Pro і Geely Tugella);
— самы папулярны электракар года — Voyah Free (за ім — Geely Geometry C і FAW Bestune NAT);
самы папулярны камерцыйны аўтамабіль года — GAZ Gazel Next Van (за ім — GAZ Gazel Next Track і VW Transporter).
Чытайце таксама:
У Еўрасаюзе могуць адмяніць забарону на продаж дызельных і бензінавых аўто з 2035 года