U Kitai stvaryli «amal viečnuju» batarejku dla smartfonaŭ. Jana jadziernaja
Kitajski startap Betavolt pakazaŭ novuju jadziernuju mini-batarejku, jakaja pryznačana dla pracy telefonaŭ, dronaŭ, štučnych sercaŭ i šmat čaho inšaha. Ale ci biaśpiečnaja jana dla čałavieka? U kampanii adkazali.
12.01.2024 / 14:12
Jadziernaja mini-batarejka ad startapa Betavolt, jakaja mienšaja za manietu. Fota: Betavolt
Pavodle aficyjnaj zajavy kitajskaha startapa Betavolt, im stvorana pieršaja ŭ śviecie jadziernaja mini-batarejka, jakaja ŭžo pačała testavacca ŭ roznych pryładach.
Jak śćviardžaje Betavolt, batarejka madeli BV100, pamieram mienšaja za manietu, składajecca sa štučnaha izatopa 63 (nikiel) i ałmaznych paŭpravadnikoŭ 4-ha pakaleńnia, što dazvolić trymać adzin zarad minimum da 50 hadoŭ i mieć mocnuju ŭstojlivaść da marazoŭ i śpiakoty.
Sieryjny vypusk i prodaž jadziernych batarejek BV100 płanujecca na 2025 hod.
«Jadziernyja enierhietyčnyja batarei Betavolt zadavolać patreby ŭ amal viečnaj pracy aerakaśmičnych pryładaŭ, sistem štučnaha intelektu, miedycynskaha abstalavańnia, mikrapracesaraŭ, smartfonaŭ, nievialikich bieśpiłotnych latalnych aparataŭ i mikrarobataŭ», — havorycca ŭ pres-relizie kampanii Betavolt.
Prakamientavali ŭ startapie i zaściarohi ad mahčymaj škody BV100 dla čałavieka «z-za jadziernaha vypramieńvańnia». Pa słovach pradstaŭnikoŭ Betavolt, ich batarejki całkam biaśpiečnyja nie tolki dla ludziej, ale i dla navakolnaha asiarodździa.
«Batarejki absalutna biaśpiečnaja, nie majuć vonkavaha vypramieńvańnia i padychodziać dla vykarystańnia ŭ miedycynskich pryładach, takich jak kardyjostymulatary, štučnyja serca i słychavyja aparaty.
Jany taksama źjaŭlajucca ekałahična čystymi, bo štučny izatop nikiela-63 pry raspadzie pieratvarajecca ŭ stabilny i nieradyjoaktyŭny izatop miedzi», — adznačyli ŭ Betavolt.
U startapie ŭpeŭnieny, što dadzienaja inavacyja dapamoža Kitaju atrymać lidarstva ŭ novaj technałahičnaj honcy i ŭ raspracoŭcy štučnaha intelektu.
Čytajcie taksama:
Budučynia nabližajecca da nas imkliva: dzieviać navukovych praryvaŭ hoda
Kitaj siadzić na załatoj žyle hienietyčnych danych i nie choča dzialicca
U Japonii debiutavaŭ šaścipaviarchovy ekśpierymientalny termajadzierny reaktar