У цэнтры Мінска закрылася вядомая кветкавая крама
Крама «Кветкі» працавала на праспекце Незалежнасці, 19 яшчэ з савецкіх часоў. Цяпер там будзе ўстанова ізраільскай сеткавай кавярні Cofix з фіксаванымі цэнамі, піша Realt.by.
31.12.2023 / 08:42
Так раней выглядала крама кветак. Фота: «Яндэкс Карты»
Cofix працуе ў Беларусі з 2018 года. Цяпер устаноў налічваецца каля 50. Cofix стала першай буйной сеткай кавярняў, якая працуе ў Беларусі па франшызе.
Так цяпер выглядае месца. Фота: realt.by.
Амаль усе кавярні з амаль паўсотні знаходзяцца ў Мінску. Выключэнне — пяць устаноў у Гродне і адна кавярня ў Мінскім раёне.