У Офісе Ціханоўскай змяніўся кіраўнік аддзела па знешніх сувязях
Пасля 2,5 год працы з гэтай пасады сышла Аліна Герашчанка. Пра гэта яна паведаміла ў фэйсбуку. Новым кіраўніком аддзела па знешніх сувязях Офіса Святланы Ціханоўскай стане Даніла Гаркавы.
02.06.2023 / 16:14
Аліна Герашчанка. Фота: hierascanka / Facebook
«Што ж, пачынаю новы этап жыцця. Перадала пост главы аддзела па знешніх сувязях Офіса Святланы Ціханоўскай цудоўнаму Данілу Гаркаваму.
Даніі Гаркавы. Фота: daniil.garkavy / Facebook
За 2,5 гады працы ў Офісе я атрымала добры досвед, у мяне з‘явілася шмат знаёмстваў і новых ведаў. Навучылася працаваць абсалютна з рознымі людзьмі, вырашаць канфлікты на розных узроўнях. Вырасціла выдатнейшую і прафесійную каманду, якой буду заўсёды ганарыцца. Было сумна сыходзіць, але ўпэўнена, што Даня справіцца, а я змагу зрабіць больш у іншай сферы», — напісала Аліна.
Яна дадала, што застаецца кіраўніцай праекта «Годна» і будзе працаваць на тое, каб справа Паўла Белавуса жыла і пашыралася. У плана — «запуск новых праектаў, пашырэнне каманды і, сумесны з ёй, прафесійны рост».