«Одесо, я з тобою». Максім Галкін на ўкраінскай мове адрэагаваў на гібель дзяцей у выніку расійскага ўдару 7

Комік перайшоў на ўкраінскую мову. Такім чынам ён яшчэ раз выказаў падтрымку ўкраінскаму народу, які вымушаны супрацьстаяць расейскай агрэсіі.

Галкін распавёў, што яго дзяцінства прайшло ў Адэсе. Таму ён заўсёды вельмі хваравіта ўспрымае ракетныя ўдары па гэтым горадзе.

«Адэса — гэта маё дзяцінства. У Адэсе я ў школе вучыў з першага класа ўкраінскую мову. І тыя веды пра мову, якія ў мяне засталіся да гэтага часу, гэта таксама маё адэскае дзяцінства. Але мяне, напэўна, можна папракнуць, што я не сумую публічна па ўсіх загінулых дзецях у свеце. Але кожны ўдар па Адэсе трапляе ў сэрца. Адэса, я ўсім сэрцам з табой. Мае глыбокія спачуванні сем'ям загінулых. Вельмі горка ад бяссілля. Але суд Божы яшчэ ніхто не адмяняў», — напісаў Максім Галкін.

Уначы 2 сакавіка Расія выпусціла па Адэсе восем беспілотнікаў, адзін з якіх трапіў у жылы дом. У выніку атакі загінулі 12 чалавек, сярод якіх маленькія дзеці. Загінула ўся сям'я Краўцоў — муж, жонка і трое малых дзяцей.

Чытайце таксама:

«Я вынайшаў сваю формулу шчасця — восем «с». Яраслаў Раманчук пра жыццё ва Украіне, эканоміку і турнік у кватэры

521 дзіця загінула ва Украіне за час поўнамаштабнай вайны

«Людзі былі запушчаны праз Беларусь». Як збіраліся забіць Зяленскага

Nashaniva.com