Фота прэс-службы Ціханоўскай

Фота прэс-службы Ціханоўскай

Сустрэчу арганізавала пасольства Іспаніі ў Вільні, якая старшынюе цяпер у Еўрапейскім саюзе. На сустрэчу запрасілі як дыпламатаў з краінаў ЕС, так і іншых краінаў, акрэдытаваных у Літве.

Усяго ў сустрэчы ўзялі ўдзел паслы наступных краін:

Бельгія, Кіпр, Люксембург, Балгарыя, Чэшская Рэспубліка, Венгрыя, Румынія, Нямеччына, Латвія, Данія, Эстонія, Фінляндыя, Швецыя, Італія, Францыя, Нідэрланды, Іспанія, Ірландыя, Грэцыя, Польшча, Харватыя, Вялікабрытанія, Нарвегія, Японія, Арменія, Ізраіль, Малдова, Канада.

Звяртае на сябе ўвагу прысутнасць сярод іншых дыпламатаў пасла Арменіі, якая яшчэ нядаўна была саюзніцай Расіі, але цяпер усё больш заўважна мяняе палітычную арыентацыю на празаходнюю.

Фота прэс-службы Ціханоўскай

Фота прэс-службы Ціханоўскай

Падчас сустрэчы Ціханоўская распавяла пра сітуацыю з палітвязнем Міколам Статкевічам, калі вестак пра яго няма настолькі доўга, што ходзяць чуткі нават пра яго смерць, а таксама пра іншых палітвязняў, многія з якіх знаходзяцца ў няволі ў цяжкім стане.

«Паважаныя дыпламаты, прашу вашай дапамогі. Я прашу вас і вашыя сталіцы публічна запатрабаваць доступу да палітвязняў, запатрабаваць іх неадкладнага вызвалення і заклікаць інстытуты ААН звярнуць увагу на гэтую сітуацыю. Без ціску і міжнароднай увагі рэжым працягне забіваць нашых людзей за кратамі», — адзначыла Ціханоўская.

Таксама яна падкрэсліла важнасць тэмы «Еўрапейская будучыня Беларусі — Еўрапейскі Саюз», пад знакам якой будзе праходзіць 2024 год:

«Сёння нам не патрэбны абяцанні сяброўства; пра гэта гаварыць заўчасна. Але мы можам пачаць рыхтаваць, напрыклад, пагадненне аб асацыяцыі. Нам патрэбны сігнал аб тым, што дзверы Еўропы будуць адчынены для нашай краіны ў будучыні.

Мы павінны паказаць беларусам усе перавагі быць з Еўропай, а не з Расіяй», — заявіла дэмакратычная лідарка.

Таксама на сустрэчы гаварылі пра падтрымку рэпрэсаваных рэжымам і пра пытанні легалізацыі беларусаў ды выдачу пашпартоў замежніка. 

Чытайце таксама:

Ціханоўская прапанавала дапамагаць уладам Латвіі ў верыфікацыі беларусаў, якія ўязджаюць у краіну

Ціханоўская: Як і 100 гадоў таму, Расія насаджае ўласныя ідэі, каб знішчыць наша права на самавызначэнне

«Дапамажыце нам вырваць Беларусь з кіпцюроў Расіі» — Ціханоўская ў Нямеччыне

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?